لہریں، اچھی لگتی ہے، سرفراز بیگ، lehrein, achi lagti hay, sarfraz baig

لہریں

سمندر کے کنارے جو میں بیٹھا

میں نے اک عجب منظر دیکھا

کہ اک لہر دوسری لہر سے

سرگوشیاں کررہی تھی

اور یہ پیغام

وہ نیلے پانیوں سے لائی تھی

کیونکہ ان نیلے پانیوں کے کنارے

کوئی شخص ان لہروں سے

محوِ گفتگو ہے

اور اپنا دل کا حال بیان کرتا ہے

اور اپنے محبوب کو لہروں کے ذریعے

دل کا حال پہنچاتا ہے

جاننا چاہیئے گا

وہ لہریں کیا سرگوشیاں کرتی ہیں

ہر لہر دوسری لہر کو بتاتی ہے

اور یہ خبر کنارے تک آتی ہے

جس کو میں سنتا ہوں

کچھ اس طرح

اے لہرومیرے محبوب کو کہہ دو

گر تواداس ہے، میں بھی غمزدہ ہوں

گر تیری مسکان چھن گئی، میرے بھی تبسم کھو گئے

گر تیری رنگینیاں گئیں، میری زندگی بے رنگ ہوئی

گر تو منتظر ہے، میری آنکھیں پتھر ہوگئیں

گر تو عشق کرتا ہے، میرا بھی پیار کم نہیں

کچھ اس طرح سے

گریہ کرتے میں نے لہروں کو سنا

میں نے لہروں کو سرگوشیاں کرتے سنا

سمندر کے کنارے جو میں بیٹھا

سرفراز بیگ۔۱۹۹۹۔۰۲۔۲۲ پیرس