میں تم سے پیار کرتی ہوں، اچھی لگتی ہے، سرفراز بیگ، mein tum say piyar karti hun, achi lagti oy, sarfraz baig

میں تم سے پیار کرتی ہوں

ٹھنڈی ہوا کے جھونکے

جب پیڑوں سے ٹکراتے ہیں

اک عجب سی آواز پیدا ہوتی ہے

میں تم سے پیار کرتی ہوں

سمندر کی لہریں

جب کناروں سے ٹکراتی ہیں

اک عجب سی آواز پیدا ہوتی ہے

میں تم سے پیار کرتی ہوں

آسماں پے اڑے پرندے

آپس میں سرگوشیاں کرتے ہیں

کچھ اس طرح سمجھ آتا ہے کہ کوئی کہے

میں تم سے پیار کرتی ہوں

بادلوں کے ٹکڑے

آسماں پے آوارہ گھومتے ہیں

اور کچھ اس طرح لکھتے جاتے ہیں

میں تم سے پیار کرتی ہوں

برسات کے دنوں میں

جب برکھا برستی ہے

کچھ اس طرح جلترنگ بجتی ہے کہ کوئی گائے

میں تم سے پیار کرتی ہوں

چودھویں کا چاند

جب سارے عالم کوروشن کرتا ہے

اس کی ٹھنڈی روشنی کہتی ہے

میں تم سے پیار کرتی ہوں

سرفراز بیگ، ۱۹۹۸۔۰۴۔۲۲ تا ۱۹۹۸۔۰۴۔۲۳ لنڈن