خالقِ کائنات، ۲ اچھی لگتی ہے، سرفراز بیگ، KHALIQE KAYINAT, 2 ACHI LAGTI HAY, SARFRAZ BAIG

خالقِ کائنات

ہندو بنادیئے، مسلماں بنادیئے

اپنے وجود کے لیئے تونے کیا کیا بنادیئے

جنت بنائی تونے، دوزخ بنائی تونے

پھر تونے کیوں جنگل و بیاباں بنادیئے

کالے بنائے تونے گورے بنائے تونے

لہو کے بھی تو کئی رنگ بنا دیئے

کافر بنائے تونے، منکر بنادیئے

انسانوں سے ہی تونے یہ انساں بنادیئے

رام بھی تیرا، رحیم بھی ہے تیرا

لفظوں کے ہیر پھیر سے دشمن بنادیئے

کوئی بولے اللہ، تو کوئی بولے بھگوان

ہے تو، ’’احد‘‘ اور کئی نام بنادیئے

پیغمبر بھی ہیں تیرے، اوتار بھی ہیں تیرے

بندوں سے ہی تونے یہ بندے بنادیئے

ہر کوئی لڑے مذھب کے واسطے

کیسے کیسے تقسیم کے دھندے بنادیئے

انساں سب برابر، لہو کا ایک رنگ

پھر تونے رنگ کیوں جدا جدا بنادیئے

ہندو بنادیئے، مسلماں بنادیئے

اپنے وجود کے لیئے تونے کیا کیا بنادیئے

سرفراز بیگ۔ ۱۹۹۸۔۰۷۔۲۴ لنڈن