سراپہ ءِ محبوب
تمہارے جسم کی خوشبو
مجھے گوندھی ہوئی مٹی سے آتی ہے
تمہاری زلفوں کی شبیہہ
مجھے گھٹاؤ ں میں نظر آتی ہے
تمہاری مترنم آواز
مجھے پرندوں کی چہچہاہٹ میں ملتی
ہے
تمہاری آنکھوں کی ٹھنڈک
مجھے چاند میں ملتی ہے
تمہاری آنکھوں کی خماری
مجھے نسیمِ سحری میں ملتی ہے
تمہارے چلنے کی شبیہہ
مجھے کائنات کے سحر میں ملتی ہے
تمہاری پائل کی جھنکار
مجھے جھرنے میں ملتی ہے
سرفراز بیگ۔۔ ۱۹۹۸۔۰۷۔۲۵ لنڈن
No comments:
Post a Comment