سپنے، اچھی لگتی ہے، سرفراز بیگ، sapnay, achi lagti hya, sarfraz baig

سپنے

کل رات میرے سپنے میں آئی

مجھ سے لپٹ گئی

میرا منہ چوم لیا

میں نے کہا

کسی نے دیکھ لیا

تو کیا کہے گا

تو کہنے لگی

کہتا رہے، مجھے اچھا لگتا ہے

اک رات میرے سپنے میں آئی

اور مجھے ڈانٹنے لگی

مجھ سے لڑ جھگڑ کے روٹھ گئی

میں نے کہا

کسی کو پتا چل گیا

تو کیا کہے گا

تو کہنے لگی

میری بلا سے، مجھے اچھا لگتا ہے

اکثر میرے سپنوں میں آتی ہے

راتوں کی نیند اڑاتی ہے

دن کا چین چھین لیتی ہے

میں جو کہتا ہوں

زندگی کو پتا چلے گا

تو کیا کہے گی

تو کہنے لگی

مجھے زندگی سے کیا، مجھے سپنوں میں آنا اچھا لگتا ہے

سرفراز بیگ۔۔۲۰۰۲۔۰۴۔۳۰ اریزو اٹلی