KHALIQE KAYINAT, ACHI LAGTI HAY, SARFRAZ BAIG, خالق کائنات، اچھی لگتی ہے، سرفراز بیگ

خالقِ کائنات

کسی کو ہندو بنادیا، کسی کو مسلمان بنادیا

کسی کو یہودی بنادیا، کسی کو کرسٹان بنادیا

انسان بناتے بناتے تونے ہمیں کیا بنا دیا

حوا بنائی تونے،تونے آدم بنادیا

انساں کا تونے دشمن کیوں انساں بنادیا

کوئی کالا بنادیا، تونے کوئی گورابنا دیا

کعبہ بنایا توکہیں ہیکل بنا دیا

کلیساء کومسجد،مسجد کو مندر بنادیا

اپنی دوکاں چلانے کو تونے کیاکیا بنادیا

کسی کو کافر بنا دیا، کسی کو منکر بنا دیا

انساں پے انساں کو تونے پیغمبر بنادیا

اپنا وجود منوانے کوتونے شیطا ں بنادیا

علوم بھی دیئے، پھر بھی جاہل بنادیا

دنیا کو تونے دوزخ، آسماں کوجنت بنادیا

خود تواکیلا ہے، انسانوں کو جدا بنادیا

اللہ بنادیا، تونے خدا بنادیا

بھگوان جوبنادیا تو دیو (dieu, dio)بھی بنادیا

اھورا مزدا بنایا تو اہرمن بھی بنادیا

انساں کے ہاتھوں تونے خدا بنادیا

سورج بنایا تونے، چندا بنادیا

اور ان کی پوجا کے لیئے بندا بنادیا

سرفراز بیگ۔۔۱۹۹۸۔۰۷۔۲۴ لنڈن